Polis drenta den bo kas

Bo tabata sa ku bo no ta obliga pa laga polis drenta den bo kas zin machtiging binnentreden? Si polis ta dilanti bo porta di kas anto e puntrabu si e tin mag di drenta bo por bisa NO. Si bo laga polis drenta sin e machtiging nan tin mag di drenta i wak rond den bo kas. Si nan drenta ku bo permit anto nan hanja algu den bo kas ku no ta legal abo no por bisa mas ku nan no tabatin mag di drenta pasombra nan no tin machtiging. 

Wak rond den bo kas no kemen ku nan tin mag di habri kashi di kushina of hisa bo matras. Wak rond i doorzoek ta un diferensha grandi. Un ehempel: polis ta para den bo sala anto e ta mira un arma di kandela riba mesa. E por detenebu pa esaki. Si e arma di kandela no ta riba mesa pero den bo kashi kushina e polis no tin mag di habri bo kashi di kushina si e no tin un machtiging pa doorzoek bo kas. Si e polis habri bo kashi sin machtiging probablemente e chens por ta hopi grandi ku ora bo bai dilanti juez e tinku dunabu vrijspraak pasombra e polis no tabatin machting pa drenta den bo kashi. 

Derechi riba un abogado

Bo tabata sa ku for di momentu ku polis detenebu bo tin derechi riba un abogado ku bo no mester paga? Tambe duranto di e enterogashon di polis bo tin derechi riba un abogado. Polis ta abliga di informabu esaki i puntrabu si bo ke un abogado prome ku nan enterogabu. Mi konseho ta pa semper hasi uzo di bo derechi pa papia ku un abogado prome ku polis enterogabu. E abogado por kosehabu kiko ta e strategia mas miho. 

Zwijgrecht

Bo tabata sa ku semper bo tin e derechi di hasi un beroep riba bo zwijgrecht (dus no kontesta preguntanan di polis). Prome ku bo desidi di hasi esaki puntra polis un abogado ku por konsehabu tokante di esaki, pasombra un ta tur biaha ta bon pa hasi uzo di esaki. Un ehempel di esaki ta: bo a horta den supermarkt, un empleado a mira esaki, tin video di esaki plus nan a hanja e lokual ku bo a horta den bo tas. Den e situashon aki mi konseho ta papia bisa loke a pasa pasombra den sierto situashon (prome biaha) ora bo duna bo deklarashon nan ta lagabu bai kas. Si bo kede para riba bo zwijgrecht bo ta keda sera por nada.