Derecho penal

Ora ku bo tin problema ku hustisia of polis bo tin diaber ku e derecho penal miho konosi komo strafrecht.

Na momentu ku un persona komete un krimen, fiskal tin e derecho di detene e persona aki. Un detenido semper tin derechi riba un konsulta di un abogado manera e wordu detene. E polis ta obliga di puntra e detenido si e ke konsulta ku un abogado prome ku e duna un deklarashon. E detenido por konsulta ku e abogado anto e abogado por splikabu kiko bo derechinan ta.

E detenido por puntra polis pa su mes abogado of e ta hana un abogado ku ta para riba lista di gobierno. E abogado riba e lista di gobierno no ta traha pa gobierno of polis pero e ta wordu paga dor di gobierno pasombra tur hende ku ta detene tin derechi riba un abogado. Majoria abogado ku ta hasi kaso penal na hulanda ta para riba e lista di gobierno y nan gastunan ta wordu paga dor di gobierno. Si bo tin bo mes abogado bo tinku puntrele si e ta para riba e lista di Raad voor Rechtsbijstand. Ku e ta para riba e lista aki e orei bo no tinku paga pa su konsulta na momentu ku bo ta detene na politiebureau.

Ku bo bai den bewaring of gevangenhouding e abogado ta risibi un subsidio di gobierno pa su gastunan (toevoeging). Si bo entrada ta mas ku e minimo bo tinku tene kuenta ku gobierno por kansela e subsidio y ku bo tinku bai paga e gastunan di bo abogado. Semper palabra ku e abogado kuantu e ta kobra si gobierno kansela e subsidio pa bo no risibi un faktura haltu despues.

Si bo a risibi un karta (dagvaarding of oproep) pa bo presenta serka heus of Fiskal (politierechter, meervoudige kamer of TOM zitting) manda nos un mensahe ku bo datonan i e dia y luga ku bo tinku presenta pa un abogado tuma kontakto kubo mesora.